16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Իմ հաշվին էի ԱՄՆ մեկնելու. Վանեցյանը՝ չեղարկված այցի մասին. ՏԵՍԱՆՅՈՒԹ
Հասարակություն
17.01.2022 | 14:46
«Հայտարարության մեջ մանրամասն նշված էր, թե ինչու չեղարկվեց դեպի ԱՄՆ այցը, ինչ վերաբերում է մնացած մեկնաբանություններին, թե ինչու ենք իշխանության ներկայացուցիչների հետ մեկնում ԱՄՆ, մի շատ պարզ պատճառ կա. երբ իշխանության ներկայացուցիչները լինում են միայնակ, ներկայացնում են միայն իրենց տեսակետը, և մեր երկրից այլ տեսակետ միջազգային կառույցներին չի ներկայացվում։ Այս մասին լրագրողների հետ ճեպազրույցի ընթացքում ասաց «Պատիվ ունեմ» խմբակցության ղեկավար Արթուր Վանեցյանը։
«Հետո զարմանում ենք, թե ինչու միջազգային կառույցներից չունենք որոշակի արձագանքներ Հայաստանում տիրող իրավիճակի մասին, ինչու ընդդիմության կողմից Հայաստանի ներսում բարձրացվող հարցերի մասին տեղեկացված չեն մեր միջազգային գործընկերները։ Ես հարգանքով եմ մոտենում մեր ընդդիմադիր գործընկերների հայտարարությանը, որ չեղարկել են միջազգային կառուցներ այցերը, քանի դեռ արգելքները ընդդիմադիր գործընկերների վրայից հանված չեն։ Խայտառակություն է, որ ընտրված պատգամավորները զրկված են ազատ տեղաշարժվելու իրավունքից»,- նշեց Վանեցյանը։
Նա նաև հավաստիացրեց, որ խմբակցությունն է որոշել, որ ԱԺ նախագահ Ալեն Սիմոնյանի հետ ինքը պետք է մեկնի ԱՄՆ. «Ինչ վերաբերում է ծախսերին, ես իմ հաշվին եմ փորձել հոգալ մեկնելու հետ կապված ծախսերը»:
Մանրամասները՝ տեսանյութում:
