06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Թուրքիայի հետ առանց նախապայմանների հարաբերություններին ՀՀ որևէ իշխանություն դեմ չի եղել․ Արծվիկ Մինասյան. ՏԵՍԱՆՅՈՒԹ
Քաղաքականություն
17.01.2022 | 11:41
«Թուրքիայի հետ առանց նախապայմանների հարաբերություններին ՀՀ որևէ իշխանություն դեմ չի եղել»,- ԱԺ նիստում այս մասին նշեց Հայաստան խմբակցության պատգամավոր Արծվիկ Մինասյանը՝ Ռոբերտ Քոչարյանի 2005 թվականի ապրիլի 25-ին Թուրքիայի Հանրապետության վարչապետ Էրդողանին ուղղված նամակից մի հատված մեջբերելուց հետո:
«Անցյալին անդրադառնալու Ձեր առաջարկը չի կարող արդյունավետ լինել, եթե չի անդրադառնում ներկային ու ապագային: Արդյունավետ երկխոսության մեջ ներգրավվելու համար մեզ անհրաժեշտ է ստեղծել նպաստավոր եւ համապատասխան քաղաքական միջավայր: Երկկողմ հարաբերությունների զարգացման պատասխանատվությունը կրում են կառավարությունները, եւ մենք իրավասու չենք դա լիազորել պատմաբաններին: Ուստի մենք առաջարկել ենք եւ կրկին առաջարկում ենք առանց նախապայմանների մեր երկու երկրների միջև հաստատել բնական հարաբերություններ»,- նշված էր նամակի մեջբերված հատվածում:
Նշենք, ԱԺ-ում իր ելույթի ժամանակ այդ նամակից մեկ այլ հատված էր մեջբերել «Իմ քայլը» խմբակցության պատգամավոր Վահագն Ալեքսանյանը՝ անդրադառնալով հայ-թուրքական հարաբերությունների գաղտնի լինելու հետ կապված ընդդիմության քննադատություններին։
Մանրամասները՝ տեսանյութում:
