15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Մեր հայ գործընկերները նոր առաջարկներ են արել, մենք դրանք փոխանցել ենք Բաքվին․ Լավրով. ՏԵՍԱՆՅՈՒԹ
Քաղաքականություն
14.01.2022 | 15:23
ՌԴ ԱԳՆ ղեկավար Սերգեյ Լավրովը 2021 թվականին ռուսական դիվանագիտության գործունեության արդյունքների վերաբերյալ ամփոփիչ ասուլիսի ժամանակ հայտարարել է, որ Հայաստանն Ադրբեջանի հետ սահմանների դեմարկացիայի ու դելիմիտացիայի շուրջ հանձնաժողովի ձևավորման վերաբերյալ նոր առաջարկներ է արել, դրանք ՌԴ-ն փոխանցել է Բաքվին։
«Սոչիում իսկապես սկզբունքային պայմանավորվածություն է եղել և մամուլի հետ շփումներում հույս է հայտնվել, որ այդ հանձնաժողովը կստեղծվի մինչ 2021 թվականի վերջը։ Սակայն կյանքն ավելի բարդ է։ Եվ միայն դրա ստեղծումն առաջընթաց համարելը բավարար չէ։ Սակայն մենք բանակցությունները շարունակում ենք։ Բառացիորեն երեկ խոսել եմ իմ հայ գործընկերոջ հետ, նրանք նոր առաջարկներ ունեին, մենք դրանք փոխանցել ենք Բաքվին, և կտեսնենք՝ ինչ անել, որպեսզի այն հնարավորինս շուտ գործի»,- հայտարարել է ՌԴ ԱԳՆ ղեկավարը։
Նրա խոսքով՝ կան տարաձայնություններ, սակայն Մոսկվայի դիրքորոշումն է՝ նստել բանակցությունների սեղանի շուրջ և պաշտոնապես ստեղծված հանձնաժողովի շրջանակում լուծել բոլոր առաջնային խնդիրները։
Մանրամասները՝ տեսանյութում։
Տաթև Ֆռանգյան
