18.08.2026 | 19:29
Երևանում, Արարատյան դաշտում ու 3 մարզում սպասվում է բարձր կարգի հրդեհավտանգ իրավիճակ
Գրիգոր Մինասյանը բարձր պրոֆեսիոնալ է և Միքայել Մինասյանի հետ քաղաքական որևէ կապ չունի. Արսեն Թորոսյան. ՏԵՍԱՆՅՈՒԹ
Քաղաքականություն
13.01.2022 | 18:02
«Անձամբ ճանաչում եմ Գրիգոր Մինասյանին և նրան համարում եմ բարձր պրոֆեսիոնալ իր ոլորտում: Կարծում եմ արդարադատության ոլորտը և նախարարությունը մեծ ձեռքբերում է ունեցել՝ նման պրոֆեսիոնալի իր շարքերը ներգրավելով»,- այս մասին Factor.am-ի ի հետ զրույցում նշեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով դիտարկմանը, որ իշխանությունը բազմիցս քննադատության է ենթարկվել իր վարած կադրային քաղաքականության համար և այժմ էլ քննադատվում է այն, որ արդարադատության նախարարի տեղակալ է նշանակվել Միքայել Մինասյանի եղբայրը՝ Գրիգոր Մինասյանը:
«Ես չէի ուզենա, որ այս որոշումը դիտարկվեր նախկինների և ներկաների համատեքստում: Նախ՝ այժմ պետական կառավարաման համակարգում մեծամասնությունը երկար տարիների աշխատակիցներ են: Մեղավորություն չեմ տեսնում նրանում, որ որևէ պրոֆեսիոնալի ներգրավում ես աշխատանքների մեջ՝ անկախ նրա կուսակցական պատկանելությունից:
Ի դեպ՝ Գրիգոր Մինասյանը կուսակցական չէ, չի էլ եղել և կատարելու է իր մասնագիտական պարտավորությունները արդարադատության նախարարությունում»,- նշեց Թորոսյանը՝ հավելելով՝ նույն ծնողներից ծնված լինելը բավարար չէ մարդկանց նույնացնելու համար, Գրիգոր Մինասյանը և Միքայել Միանսյանն իրար հետ քաղաքական որևէ կապ չունեն:
Մանրամասները՝ տեսանյութում:
