16.04.2024 | 11:46
Համարեք, որ ես խուլ եմ. Ավինյանը` Վարդանյանին․ ՏԵՍԱՆՅՈՒԹ
4 նախապայման՝ ՀՀ-ի հետ հարաբերությունները կարգավորելու համար․ Թուրքիայի խորհրդարանի նախկին փոխնախագահը հրապարակել է իրենց մոտեցումը
Քաղաքականություն
12.01.2022 | 12:59
Թուրքիայում «Թալեաթ փաշայի» կոմիտեն հրապարակել է իր տեսակետներն ու առաջարկները Թուրքիայի և Հայաստանի միջև նոր էջ բացելու վերաբերյալ՝ կոմիտեի անունից հռչակելով 4 նախապայմաններ, որոնց կատարման դեպքում միայն պետք է Թուրքիան կարգավորի հարաբերությունները ՀՀ հետ։
Թուրքական Aydinlik–ի հաղորդմամբ՝ Հայոց ցեղասպանության ճանաչման դեմ պայքարի առաջամարտիկներից համարվող կոմիտեի ղեկավար , Թուրքիայի խորհրդարանի նախկին փոխնախագահ Հասան Քորքմազջանը այդ նախապայմանները ներկայացրել է ասուլիսում։
Ըստ թուրք նախկին պաշտոնյանի՝ այդ նախապայմանները հետևյալն են․
«1. Հայաստանը պետք է անվերապահորեն կատարի 2020 թվականի նոյեմբերի 10-ին Ռուսաստանի և Ադրբեջանի հետ ստորագրված հրադադարի եռակողմ համաձայնագրով ստանձնած պարտավորությունները։
2. Հայաստանն ու Թուրքիան պետք է հարգեն իրենց փոխադարձ ինքնիշխանությունը և տարածքային ամբողջականությունը և հայտարարեն, որ ապրելու են խաղաղության մեջ։
3. Հայաստանը պետք է հրաժարվի Ցեղասպանության ճանաչումից։
4. Երկու երկրների միջեւ չպետք է թույլ տալ փոխադարձ ռազմական գործողություններ։ Այս համատեքստում Հայաստանի Շիրակի մարզում տեղադրված և թուրք ազգին նվաստացնող արձանը պետք է անհապաղ ապամոնտաժվի»։
Տաթև Ֆռանգյան
