15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Ինչպես են հայ խաղաղապահները ծառայություն իրականացնում Ղազախստանում․ ՏԵՍԱՆՅՈՒԹ
Քաղաքականություն
12.01.2022 | 11:39
Ալմաթիում հայկական խաղաղապահ ստորաբաժանման հիմնական խնդիրներից է կանխել «ահաբեկիչների կողմից ջրատարի թունավորման վտանգը»։ Այս մասինի լրագրողներին հայտնել է Հայաստանից խաղաղապահ ստորաբաժանման հրամանատար, մայոր Հայրապետ Մկրտչյանը, գրում է ՏԱՍՍ-ը։
«Դրուժբա» ջրաբաշխիչում հիմնական խնդիրներից մեկը եղել է ջրի թունավորումների կանխարգելումը»,- ասել է նա։
Ալմաթիում Հայաստանից ժամանած խաղաղապահները ոչ միայն հսկում են «Դրուժբա» ջրաբաշխիչը, այլև ապահովում են ամենամեծ հացաբուլկեղենի արտադրության գործարանի անվտանգությունը։
Հիշեցնենք, որ Ղազախստանում հունվարի 2-ից բողոքի ցույցեր են իրականացվում ընդդեմ հեղուկ գազի գնի կրկնակի թանկացման։ Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ Ղազախստան ուժեր ուղարկելու մասին որոշումը ՀԱՊԿ անդամ պետությունների ղեկավարներն ընդունել են մի քանի ժամում։
Տաթև Ֆռանգյան
