16.01.2025 | 23:02
Հասել ենք հարաբերությունների նոր մակարդակի․ Զելենսկին՝ Սթարմերի այցի մասին
Մասիսում առևանգված տաքսին հայտնաբերվեց մայրաքաղաքում. ոստիկանության բացահայտումը
Հասարակություն
11.01.2022 | 17:47
Հունվարի 7-ին, ժամը 18-ի սահմաններում, մի տաքսու վարորդ ոստիկանության Մասիսի բաժնում հաղորդում էր տվել, որ երկու ժամ առաջ Մասիս քաղաքի Շիրազի փողոցից առևանգել են իրեն կցագրված «Օպել» մակնիշի տաքսին. տեղեկացնում են ՀՀ ոստիկանությունից:
Բաժնի քրեական հետախույզները, համագործակցելով պարեկային ծառայության Երևանի գնդի ոստիկանների հետ, ձեռնարկեցին օպերատիվ միջոցառումներ, որոնց արդյունքում նույն օրը, ժամը 18.30-ին, Երևանի Բագրատունյաց պողոտայի և Արտաշիսյան փողոցի խաչմերուկում հայտնաբերեցին գողացված մեքենան և, վարորդով հանդերձ, բերման ենթարկեցին ոստիկանության Մասիսի բաժին։
Պարզվեց՝ բերման ենթարկված 40-ամյա տղամարդը Արմավիրի մարզի Ակնաշեն գյուղի բնակիչ է։
Նա տվել է խոստովանական բացատրություն։
Հանգամանքներն ու քննությամբ պարզվում են։
