21.04.2026 | 18:59
ԵԱ․ Սուրեն Աղաջանյանը տուշեով հաղթեց ադրբեջանցի ըմբիշին ու դուրս եկավ եզրափակիչ
Արթուր Ղազինյանին առաջադրելով՝ չեք կարող ստիպել պարտադրված ընտրություն կատարել․ Վիլեն Գաբրիելյան. ՏԵՍԱՆՅՈՒԹ
Քաղաքականություն
11.01.2022 | 10:24
Ազգային ժողովի Պետական-իրավական հարցերի մշտական հանձնաժողովը քննարկում է ԱԺ կանոնակարգ սահմանադրական օրենքում լրացումներ կատարելու մասին օրենքի նախագիծը։
Պաշտպանության ու անվտանգության մշտական հանձնաժողովի անդամ Վիլեն Գաբրիելյանը նշեց, որ օրենքի 136-րդ հոդվածով սահմանվում է մշտական հանձնաժողովների նախագահների ու նրանց տեղակալների ընտրության մասը, իսկ հոդվածի 10-րդ մասը սահմանում է՝ եթե մշտական հանձնաժողովի նախագահը չի ընտրվում, ապա իրավասու խմբակցությունը 10-օրյա ժամկետում թափուր մնացած պաշտոնի համար առաջադրում է նոր թեկնածու, իսկ 11-րդ մասով սահմանվում է՝ հանձնաժողովի նախագահի տեղակալ ընտրվում է իրավասու խմբակցության ղեկավարի կամ քարտուղարի առաջադրմամբ։
«Պարզ չէ, թե ինչպես է կարգավորվում իրավիճակը, երբ հանձնաժողովի նախագահի տեղակալը չի ընտրվում։ Մասնավորապես, ԱԺ պաշտպանության ու անվտանգության մշտական հանձնաժողովը տևական ժամանակ չի կարողանում ընտրել հանձնաժողովի նախագահի տեղակալ ու առաջանում է շահերի բախում»,- նշեց Գաբրիելյանը՝ հավելելով՝ նույն թեկնածուին անընդհատ առաջադրելով չեք կարող ստիպել պարտադրված ընտրություն կատարել:
Նրա խոսքով՝ այս նախագիծն ընդունելու դեպքում կկարգավորվի ԱԺ մշտական հանձնաժողովի նախագահի տեղակալի ընտրության հարցը։
Հիշեցնենք, որ ԱԺ պաշտպանության ու անվտանգության մշտական հանձնաժողովի նախագահի տեղակալի պաշտոնում «Հայաստան» խմբակցությունը 16 անգամ առաջադրել է Արթուր Ղազինյանի թեկնածությունը, սակայն, «Քաղաքացիական պայմանագիր» խմբակցությունը դեմ է քվեարկել:
Մանրամասները՝ տեսանյութում:
