11.08.2026 | 10:51
Զապորոժիեում գիշերային հարվածների հետևանքով զոհերի թիվը հասել է 6-ի
Ամասիայի ՔՊ-ականները դիմել են դատարան՝ պահանջելով նոր ընտրություններ
Քաղաքականություն
10.01.2022 | 16:47
Ամասիա խոշորացված համայնքի ՏԻՄ ընտրություններին ամենաշատ ձայները հավաքած, սակայն ինքնաբացարկ ներկայացրած ՔՊ-ականները նոր ընտրություններ նշանակելու պահանջով դիմել են վարչական դատարան։
Այս մասին Factor.am-ին տեղեկացրեց ՔՊ-ի ավագանու ցուցակը գլխավորող Մերգել Ղարիբյանը։
Հիշեցնենք, որ Ամասիա խոշորացված համայնքի ՏԻՄ ընտրություններին մասնակցում էին երեք քաղաքական ուժեր՝ ՔՊ-ն , «Արփի Ամասիա» նորաստեղծ դաշինքը և ՀՀԿ-ն։
ՔՊ-ը ընդամենը 16 ձայնով էր առաջ անցել «Արփի Ամասիա» նորաստեղծ դաշինքից․ երկու քաղաքական ուժերն էլ ստանալու էին 6-ական մանդատ, սակայն իշխող քաղաքական ուժի ներկայացուցիչները, համաձայնության չգալով համայնքապետի պաշտոնի շուրջ, ինքնաբացարկ ներկայացրին՝ հրաժարվելով վերցնել մանդատները։
Նրանք ակնկալում էին, որ այդպիսով Ամասիայում նոր ընտրություններ կնշանակվեն, սակայն դրանք տեղի չունեցան, արդյունքում ՔՊ-ն իշխանության մաս չկազմեց, իսկ համայնքապետ 9 ձայնով ընտրվեց «Արփի Ամասիա» նորաստեղծ դաշինքի թեկնածու Ջեմմա Հարությունյանը։
Ջեմմա Հարությունյանի համայնքապետ ընտրվելուց հետո ՔՊ-ականները բողոքի ցույց էին անցկացրել Շիրակի մարզպետարանի շենքի դիմաց՝ նշելով, որ 9 մանդատով Ամասիայում չի կարող ձևավորվել իշխանություն և պետք է առնվազն 10 մանդատ։
Արմիկ Մովսիսյան
