16.07.2026 | 14:35
«Ամասիայի գլխավորող պանրագործարան» ընկերության արտադրական գործունեության առանձին գործառույթ է կասեցվել
2022 թվական ենք մտնում լուրջ բարեփոխումներով. կրճատեցինք ամանորյա տոնական օրերը. Փաշինյան. ՏԵՍԱՆՅՈՒԹ
Քաղաքականություն
05.01.2022 | 11:09
«2022 թվական ենք մտնում լուրջ բարեփոխումներով. կրճատեցինք ամանորյա տոնական օրերը»,-Կառավարության այս տարվա առաջին նիստի մեկնարկին նշեց ՀՀ վարչապետ Նիկոլ Փաշինյանը՝ անդրադառնալով տոնական օրերի թիվը կրճատելու վերաբերյալ որոշմանը և ընդգծելով, որ այսկերպ չի նսեմացվում քաղաքացիների հանգստի իրավունքը:
«Այս որոշմամբ մենք ընդգծում ենք, որ առաջիկա տարիներին ավելի շատ պետք է կենտրոնանանք աշխատանքի և կոնկրետ արդյունքների վրա, միևնույն ժամանակ պետք է ընդգծել, որ սրանով մեր քաղաքացիների հանգստի իրավունքը որևէ կերպ չենք նսեմացնում, որովհետև նախ՝ օրենսդրությամբ սահմանված է 20 աշխատանքային օրվա արձակուրդ աշխատող քաղաքացիների համար, սրան գումարած՝ 12 ոչ աշխատանքային օրեր ունենք:
Այս քաղաքականությունն անցողիկ չէ, մենք պետք է կյանքի այս ռեժիմին սովորենք, որովհետև մտադիր չենք փոփոխություններ անել: Այս տարի կարծիք կար, որ գուցե նաև հաջորդ օրերը ոչ աշխատանքային հայտարարենք և այլն, բայց մեր քաղաքական որոշումը կայացրել ենք, այսպես շարժվելու ենք առաջ»,- նշեց Փաշինյանը:
Հիշեցնենք, որ այսուհետ ոչ աշխատանքային օրեր են դեկտեմբերի 31-ը, հունվարի 1-ը, 2-ը և 6-ը։
Մանրամասները՝ տեսանյութում:
