16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հարավաֆրիկյան Հանրապետության խորհրդարանի շենքում հրդեհ է բռնկվել
02.01.2022 | 12:00
Քեյփթաուն քաղաքում Հարավաֆրիկյան Հանրապետության խորհրդարանի շենքում ուժեղ հրդեհ է բռնկվել։ Այս մասին հայտնում է տեղական News24 կայքը։
Դեպքի վայրից կադրերում երևում են խիտ ծխի քուլաներ: Հրդեհի մարման աշխատանքներին մասնակցում է վեց հրշեջ հաշվարկ և 36 հրշեջ: Տուժածների մասին տեղեկություններ դեռ չկան։
ТАСС-ի փոխանցմամբ՝ հրդեհը սկսվել է երրորդ հարկում, որից հետո տարածվել է գրասենյակային տարածքների և մարզադահլիճների վրա։
Ավելի ուշ հրդեհը տեղայնացվել է, հայտնել Է ՀԱՀ-ի հանրային աշխատանքների և ենթակառուցվածքների նախարար Պատրիցիա Դե Լիլը: Ներկայումս այրվում է Ազգային ժողովի դահլիճը [ստորին պալատը]: Իշխանությունները դեռ չեն նշել ո՛չ բռնկման պատճառը, ո՛չ էլ հնարավոր վնասը։ Տուժածների մասին տվյալներ չկան։
Հրդեհը սկսվել է ժամը 03:00-ին: Նախնական տեղեկությունների համաձայն ՝ կրակը բռնկվել է երրորդ հարկի գրասենյակներից մեկում։ Խորհրդարանական համալիրը բաղկացած է երեք շենքերից, որոնցից առաջինը կառուցվել է 1884 թվականին։ Խորհրդարանի ստորին պալատը գտնվում է 1980-ականներին կառուցված ամենաժամանակակից շենքում։
Fire at Parliament in Cape Town. Fire marshals now on the scene. @PresidencyZA pic.twitter.com/GQYHxcYk40
— RB (@RoshBardien) January 2, 2022
