14.03.2026 | 20:09
Նյու Յորքում Հայաստանի նախաձեռնությամբ քննարկվել է գենդերային հավասարության դերը կենսաբազմազանության պահպանման գործում
Կոլորադոյում հրդեհները գրեթե 1000 տուն են ոչնչացրել. կան անհետ կորածներ
02.01.2022 | 13:00
ԱՄՆ Կոլորադո նահանգի Բոուլդեր շրջանում հրդեհների հետևանքով ոչնչացված տների քանակը, ըստ ճշտված տվյալների, 600-ից հասել է 991-ի, երեք մարդ անհետ կորել է: ТАСС-ի փոխանցմամբ՝ հայտարարել է Բոուլդեր շրջանի շերիֆ Ջո Փելլեն։
Ավելի վաղ Բոուլդեր շրջանի իշխանությունները հայտնել էին, որ բնական հրդեհների հետևանքով տուժածներ չկան: Սակայն հունվարի 1-ին ներկայացրել են ճշտված տվյալներ։
Կոլորադոյի Բոուլդեր շրջանում բնական հրդեհները սկսվել են հինգշաբթի առավոտյան։ Նախնական վարկածով, հրդեհը բռնկվել է էլեկտրահաղորդման գծերի կարճ միացման պատճառով: Չոր խոտածածկույթի և քամոտ եղանակի պատճառով բոցը շատ արագ տարածվել է, որոշ ընտանիքներ բառացիորեն մի քանի րոպե են ունեցել իրենց տները լքելու համար:
