22.08.2026 | 17:05
Չընդունված, բայց դրական միավոր ստացած դիմորդները կարող են դիմել թափուր տեղերի համար. ԿԳՄՍՆ
Նախագահ Արմեն Սարգսյանին Ամանորի և Սուրբ ծննդյան տոների առթիվ շնորհավորել է Ռուսաստանի վարչապետ Միշուստինը
Քաղաքականություն
30.12.2021 | 18:15
Հայաստանի Հանրապետության նախագահ Արմեն Սարգսյանին Ամանորի և Սուրբ ծննդյան տոների առթիվ շնորհավորական ուղերձ է հղել Ռուսաստանի Դաշնության վարչապետ Միխայիլ Միշուստինը. այս մասին տեղեկացրին Հայաստանի Հանրապետության նախագահի աշխատակազմից։
«Անցնող տարին նշանավորվում է հայ-ռուսական հարաբերությունների հետագա ամրապնդմամբ՝ հիմնված բարեկամության, ռազմավարական գործընկերության և դաշնակցային սկզբունքների վրա։ Բարեհաջող զարգանում է առևտրատնտեսական, մշակութային և հումանիտար համագործակցությունը: Նշանակալի արդյունքներ են ձեռք բերվել համատեղ խոշոր ծրագրերի առաջմղման գործում:
Հուսով եմ, որ 2022թ-ին նոր ազդակ կհաղորդենք երկկողմ գործակցությանը և նախադրյալներ կստեղծենք նոր փոխշահավետ նախաձեռնությունների իրականացման համար»,- մասնավորապես ասվում է ՌԴ վարչապետի ուղերձում:
