07.10.2026 | 23:48
Արթուր Դանիելյանը կալանավորվեց
Երեկ Բաքվից Հայաստան տեղափոխված 5 ռազմագերիներից մեկը ձերբակալվել է
Հասարակություն
30.12.2021 | 16:21
Երեկ Բաքվից Հայաստան վերադարձած հինգ զինծառայողից մեկը ձերբակալվել է, մյուս 4-ը հարցաքննվել են՝ քրեական գործի շրջանակում: Այս մասին Factor.am-ի հետ զրույցում տեղեկացրեց ՀՀ Քննչական կոմիտեի մամուլի քարտուղար Վարդան Թադևոսյանը․
«Զինծառայողին մեղադրանք է առաջադրվել ՀՀ քրեական օրենսգրքի 365-րդ հոդվածի 3-րդ մասի հատկանիշներով՝ մարտական հերթապահություն կամ մարտական ծառայություն կրելու կանոնները խախտելը, որն առաջացրել է ծանր հետևանքներ»,- նշեց Թադևոսյանը:
Հիշեցնենք՝ ադրբեջանական գերությունից դեկտեմբերի 4-ին Հայաստան վերադարձած 10 գերիներից 5-ը մինչ այդ էին կալանավորվել՝ նոյեմբերի 16-ին, Սյունիքի ու Վայոց Ձորի սահմանագոտում ծավալված մարտերի ժամանակ դիրքերը թողնելու և փախուստի դիմելու համար։
Ըստ Քննչական կոմիտեի՝ մարտական հերթափոխություն իրականացնող դիրքերի զինծառայողները, տեղեկանալով հակառակորդի հարձակման մասին, ունենալով զենք կիրառելու իրավասություն, մարտական դիրքի վրա հարձակված հակառակորդի զինծառայողներին զինծառայողներին վնասազերծելու, զինաթափելու փոխարեն փորձել են բանակցություններ վարել մարտական դիրքի պահպանության տարածք ներխուժած զինծառայողների հետ, ովքեր փորձել են գերեվարել մարտական հերթապահություն իրականացնողներին։
Դիրքերի անձնակազմը նշված գործողությունները կատարելու փոխարեն, թողել է մարտական դիրքերը և դիմել փախուստի, որի հետևանքով Ադրբեջանի զինված ուժերի զինծառայողները ներխուժել են ՀՀ ինքնիշխան տարածք՝ մարտական դիրքեր, որոնք անցել են հակառակորդի վերահսկողության տակ։
Ռոզա Վարդանյան
