09.06.2026 | 00:17
Մարկո Ռուբիոն շնորհավորել է Փաշինյանին
Թուրքիան ռուսական C-400-ին փոխարինող նոր ՀՕՊ համակարգեր է ստեղծում
Քաղաքականություն
30.12.2021 | 16:41
Թուրքիայում ներկայացնում են նոր մշակումներ 2022 թվականի հակաօդային պաշտպանության համակարգերի ծրագրերի շրջանակում։ Lenta-ն, վկայակոչելով թուրքական Sabah-ին, գրում է, որ հեռանկարային համալիրները կարող են փոխարինել ռուսական C-400 և ամերիկյան Patriot համակարգերին։
Հրապարակման մեջ նշվում է, որ 2022 թվականին նոր մշակումներ են հայտնվելու HİSAR և SİPER զենիթահրթիռային համակարգերի ստեղծման ծրագրերի շրջանակում։ Իրենց հերթին, HİSAR A + և HİSAR O + համակարգերն արդեն անցել են փորձարկումները։
«Այսպիսով, Թուրքիան մեկ քայլ ավելի մոտ կլինի SİPER հակաօդային պաշտպանության համակարգին, որը կհայտնվի որպես S-400 և Patriot համակարգերին այլընտրանք»,- գրում է թուրքական պարբերականը։
Հեռանկարային ՀՕՊ-ի շահագործումը նախատեսվում է 2023 թվականին։
Ավելի վաղ էլ Թուրքիայի Պաշտպանական արդյունաբերության վարչության ղեկավար Իսմայիլ Դեմիրը հայտարարել էր, որ SIPER ՀՕՊ համակարգը կարող է գերազանցել S-400 հակաօդային պաշտպանության համակարգին։ Նա նաև պատմել էր թուրքական ՀՕՊ համակարգերի ստեղծման առաջընթացի մասին՝ նշելով, որ Անկարան մշակում է մինչև 100 կմ հեռահարությամբ համալիր և մոտենում C-400 անալոգի ստեղծմանը։
Էմմա Չոբանյան
