08.06.2026 | 18:27
Տաշիրի ընտրատեղամասի մոտ խուլիգանության և պաշտոնատար անձի աշխատանքին միջամտելու գործով 2 անձ ձերբակալվել է․ ՔԿ
Սեյրան Օհանյանը՝ Փաշինյան-Արայիկ Հարությունյան հեռակա բանավեճի մասին. ՏԵՍԱՆՅՈՒԹ
Քաղաքականություն
30.12.2021 | 17:13
«Պատերազմից հետո թե՛ Հայաստանի, թե՛ Արցախի պարտված իշխանությունները գտնվում են պարտադրանքի, ճնշումների ներքո: Նախկինում նրանք ամեն ինչ անում էին իրար պաշտպանելու համար, բայց պատերազմի ժամանակ և պատերազմից հետո իրավիճակն այլ է՝ կախված ռազմական կառավարման շրջանակներում իրենց ունեցած հնարավորություններից ու եղած ձախողումներից»,- այս մասին Factor.am-ի հետ զրույցում նշեց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը:
«Արցախի ժողովուրդն անկախության հռչակման շրջանակներում որոշել է, որ չի լինելու Ադրբեջանի տարածքում, այլ պետք է լինի ինքնորոշված, հիմա ՀՀ ղեկավարը, որը բացարձակ չի տիրապետում բանակցային գործընթացներին, նշում է, որ այն ժամանակ էլ որոշված էր, որ Արցախն ինքնուրույն չի լինելու կամ Ադրբեջանի կազմում է լինելու: Այս դեպքում Արցախի ղեկավարի և ժողովրդի ընդվզումը տեղին է: Արայիկ Հարությունյանը, որ դե ֆակտո Արցախի նախագահն է, ինչպես նաև Արցախի ԱԺ-ն որոշել են հայտարարությամբ հանդես գալ, որ Արցախի ժողովրդի ճակատագիրը որոշում են արցախցիները, և թող ոչ ոք չնեղանա»,- նշեց Օհանյանը՝ անդրադառնալով Նիկոլ Փաշինյան – Արայիկ Հարությունյան հեռակա բանավեճին:
Նրա դիտարկմամբ՝ հայաստանցի – արցախցի հարթակում մշտապես այն մարդիկ են փորձել պառակտում մտցնել, ովքեր շահարկում են այդ հարցը:
Օհանյանն ընդգծեց, որ «Հայաստան» դաշինքի դիտարկմամբ՝ Արցախի ինքնորոշումն այլընտրանք չունի:
Մանրամասները՝ տեսանյութում:
