05.03.2026 | 18:33
«Ավետարան, որի ճամփան նման է հայերի ճակատագրին»․ միջնադարյան ձեռագրի ոդիսականը
Երկրորդ զրույցը՝ մեկ ամսում․ Ջո Բայդենն ու Վլադիմիր Պուտինն այսօր հեռախոսազրույց են ունենալու
Քաղաքականություն
30.12.2021 | 13:15
ՌԴ նախագահ Վլադիմիր Պուտինն ու ԱՄՆ նախագահ Ջո Բայդենը այսօր հեռախոսազրույց են ունենալու։ Այս մասին ՏԱՍՍ գործակալությանը հայտնել է Կրեմլի խոսնակ Դմիտրի Պեսկովը՝ նշելով, որ զրույցը նախատեսված է Մոսկվայի ժամանակով ուշ երեկոյան։
Ավելի վաղ Սպիտակ տան Անվտանգության խորհրդի խոսնակ Էմիլի Հորնը հայտնել էր, որ Բայդենը Պուտինի հետ զրույցում նախատեսում է քննարկել «մի շարք թեմաներ, այդ թվում՝ առաջիկայում ՌԴ-ի հետ սպասվող դիվանագիտական համագործակցությունը»։
Վերջին մեկ ամսում սա կլինի երկու երկրների ղեկավարների արդեն երկրորդ զրույցը։ Դեկտեմբերին 7-ին Պուտինն ու Բայդենը բանակցություններ էին անցկացրել տեսակապով, որոնք տևել էին 2 ժամ։ Նրանք հիմնականում քննարկել էին Ուկրաինայի շուրջ տիրող իրավիճակը, ինչպես նաև երկկողմ հարաբերությունները, կիբերանվտանգությունն ու Իրանի միջուկային գործարքը։
Էմմա Չոբանյան
