22.04.2026 | 23:30
ՀՀ տարածքում ավտոճանապարհները հիմնականում անցանելի են
Հայկ Մարությանն ամենուր թմբկահարում էր, որ պարգևավճար չի ստանում. Նարեկ Բաբայան. ՏԵՍԱՆՅՈՒԹ
Քաղաքականություն
29.12.2021 | 19:20
Երևանի քաղաքապետ Հայկ Մարությանին երբ անվստահություն հայտնեցին, նա պաշտոնանկ արվելուց առաջ հետաքրքիր ելույթ ունեցավ՝ ընդգծելով, որ դեռ հարց է, թե ով է հեղափոխական արժեքներից ու քաղաքական կուրսից շեղվել: Արդյո՞ք ճշմարտություն կար նրա ասածների մեջ. Factor.am-ի հետ զրույցում, այս հարցին ի պատասխան, «Քաղաքացիական պայմանագիր» խմբակցության պատգամավոր Նարեկ Բաբայանը՝ նշեց. «Թե՛ աշխատավարձի հետ կապված պատմությունը, թե՛ Հայկ Մարությանի մյուս հայտարարություններն ամբողջությամբ փիարի և պոպուլիզմի հիման վրա էին կառուցված»:
«Հայկ Մարությանը հավելավճար չէր ստանում այս ընթացքում և բազմիցս թմբկահարում էր այդ մասին: Ես կարող եմ դրա հակառակ կողմն ասել, որ, օրինակ, գործարարների հետ հանդիպմանը նա քանիցս այդ մասին ասել է, և այդ մարդիկ տարակուսած հարցնում էին, թե ինչու է նա այդ մասին ասում, այն դեպքում, երբ 300 հազար դրամ է ստանում, ինչ է ակնարկում:
Հակասական են նաև փիարի վրա կառուցված նրա պոպուլիստական քայլերը. ասում է՝ ես այնքան պուպուշն եմ, լավն եմ, որ պատրաստ եմ 300 հազար դրամով աշխատել, բայց միաժամանակ գրեթե ամեն օր տարբեր մարդկանց ասում է, որ ժամանակին ստանում էր ներկայիս աշխատավարձի տասնապատիկը, դա մարդկանց աչքը մտցնելը կարծում եմ տեղին չէր: Եթե դա ճիշտ և սկզբունքային մոտեցում էր համարում, պետք է այդ մասին խոսացած չլիներ»,- նշեց Բաբայանը:
Մանրամասները՝ տեսանյութում:
