29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
ԱՄՆ Պետքարտուղարությունը Աֆղանստանում կանանց իրավունքների պաշտպանության հարցով երկու նոր բարձրաստիճան պաշտոն է ստեղծել
Քաղաքականություն
29.12.2021 | 19:52
ԱՄՆ Պետդեպարտամենտը երկու նոր բարձրաստիճան պաշտոն է ստեղծել, որոնք զբաղեցնողները կպաշտպանեն «կանանց ու աղջիկների» իրավունքներն Աֆղանստանում, հայտնում է NBC-ն։
Նրա խոսքով՝ պետքարտուղար Էնթոնի Բլինքենը կարող է արդեն չորեքշաբթի Ռինա Ամիրիին նշանակել «Աֆղանստանի կանանց, աղջիկների և մարդու իրավունքների գծով հատուկ ներկայացուցիչ», իսկ Ստեֆանի Ֆոսթերին՝ նույն հարցերով «ավագ խորհրդական»։
Բարաք Օբամայի նախագահության օրոք Ամիրին եղել է Աֆղանստանի և Պակիստանի հարցերով ԱՄՆ հատուկ ներկայացուցչի ավագ խորհրդականը։
Ֆոսթերը 2012-2017 թվականներին աշխատել է Պետքարտուղարությունում՝ կենտրոնանալով կանանց համաշխարհային իրավունքների վրա:
ԱՄՆ-ն ավանդաբար բարձրացնում է կանանց իրավունքների պաշտպանության հարցն Աֆղանստանի նոր իշխանությունների հետ շփումների գլխավոր օրակարգում՝ արտագաղթի ազատության ապահովման և ահաբեկչության դեմ պայքարին զուգահեռ:
Տաթև Ֆռանգյան
