18.01.2026 | 13:25
Վարդենյաց լեռնանցքը փակ է կցորդով բեռնատարների համար
Վանեցյանն առավոտից իրիկուն չի հայհոյում իշխանությանը, որովհետև դրա հիմքը չկա. Հովիկ Աղազարյան. ՏԵՍԱՆՅՈՒԹ
Քաղաքականություն
29.12.2021 | 16:43
Ընդդիմությունն ամբողջ տարին առաջ էր տանում իշխանափոխության օրակարգը, սակայն դա չստացվեց: Ինչո՞վ էր դա պայմանավորված: Factor.am-ի հետ զրույցում անդրադառնալով այս հարցին՝ «Քաղաքացիական պայմանագիր» խմբակցության պատգամավո Հովիկ Աղազարյանը նշեց, որ ընդդիմությունն ամեն ինչ արեց այդ նպատակին հասնելու համար, որ իշխանությունը հեռանա, բայց դա չիրագործվեց: «Մեր քաղաքական ուժը համարձակություն ունեցավ ներկայանալու ժողովրդի դատին՝գնալու արտահերթ ընտրությունների, և ժողովուրդը կատարեց իր ընտրությունը: 2021-ն այդ իմաստով կարելի է համարել հաջող տարի»,- ասաց պատգամավորը:
Անդրադառնալով դիտարկմանը, որ ԱԱԾ նախկին ղեկավար, «Հայրենիք» կուսակցության նախագահ Արթուր Վանեցյանը մեղադրվում էր Նիկոլ Փաշինյանի նկատմամբ մահափորձ նախապատրաստելու մեջ, այժմ այդ մեղադրանքը հանվել է, Աղազարյանը նշեց, որ տեղյակ չէ այդ գործի ընթացքից, ոչ էլ քննչական գործընթացների արդյունքից.«Ուրախ եմ, եթե այդպիսի բան չի եղել կամ սխալ ընկալում է եղել: Եթե ճշմարտությունն է բացահայտվել, ես դրա համար միայն ուրախ եմ»:
Աղազարյանի դիտարկմամբ՝ Արթուր Վանեցյանը որպես քաղաքական գործիչ չի կայացել:
Դիտարկմանը, որ վերջին շրջանում Արթուր Վանեցյանը չի քննադատում իշխանությանը՝ Աղազարյանն արձագանքեց. «Վանեցյանն առավոտից իրիկուն չի հայհոյում իշխանությանը, որովհետև դրա հիմքը չկա»:
Մանրամասները՝ տեսանյութում:
