10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Լեհաստանում Թուրքիայի դեսպանատան վրա հարձակում է տեղի ունեցել
Քաղաքականություն
29.12.2021 | 15:39
Լեհաստանում Թուրքիայի դեսպանատան վրա «Մոլոտովի կոկտեյլներով» հարձակում է տեղի ունեցել։ Այս մասին գրում է «Անադոլու» գործակալությունը։
Հաղորդվում է, որ միջադեպը տեղի է ունեցել նախօրեին՝ տեղի ժամանակով 14։00-ին, երբ թուրքական ծագմամբ 34-ամյա տղամարդը «Մոլոտովի կոկտեյլ» է նետել Վարշավայի Ռակովեցկա փողոցում գտնվող դեսպանատան շենքի վրա։
Միջադեպից հետո ոստիկանության խմբեր են ուղարկվել դեպքի վայր։
Կասկածյալը ձերբակալվել է դեսպանատան անվտանգության աշխատակիցների կողմից։ Նշվում է, որ միջադեպի հետևանքով տուժածներ չկան։ Վարշավայի ոստիկանական բաժանմունքն ուսումնասիրել է շենքի տեսախցիկների ձայնագրությունները և դեպքի առնչությամբ լայնածավալ հետաքննություն սկսել։
Լեհաստանում Թուրքիայի դեսպան Ջենգիզ Քամիլ Ֆիրաթը հայտարարել է, որ կապվել են Լեհաստանի իշխանությունների հետ ու հարձակման վերաբերյալ բողոք ներկայացրել։
Էմմա Չոբանյան
