08.06.2026 | 22:58
Հայտնի է նոր Ազգային ժողովի առաջին նիստի օրը
ԱՄՆ-ն իր ավիակիրը թողել է Միջերկրական ծովում` Ուկրաինայի շուրջ ճգնաժամի պատճառով
Քաղաքականություն
29.12.2021 | 20:44
ԱՄՆ-ի ռազմական ղեկավարությունը որոշել է USS Harry S. Truman ավիակիրը թողնել Միջերկրական ծովում՝ ռուս-ուկրաինական սահմանին լարվածության ֆոնին։ Այս մասին հայտնել են AP, AFP և Reuters լրատվական գործակալությունները՝ վկայակոչելով Պենտագոնի ներկայացուցչին, փոխանցում է DW-ի ռուսական ծառայությունը։
Աղբյուրների փոխանցմամբ՝ ավիակիրը ԱՄՆ ռազմածովային ուժերի հինգ նավերից բաղկացած հարվածային խմբի կազմում պետք է մեկներ Մերձավոր Արևելք, սակայն Պենտագոնի ղեկավար Լլոյդ Օսթինի հրամանով ժամանակացույցը փոխվել է։
«Այս որոշումը արտացոլում է Եվրոպայում «մշտական ներկայություն» ապահովելու անհրաժեշտությունը, անհրաժեշտ է հավաստիացնել մեր դաշնակիցներին և գործընկերներին հավաքական պաշտպանությանը մեր հանձնառության մեջ»,- ասել է ռազմական գերատեսչության խոսնակը։
Տեղեկությունը հաստատել է ԱՄՆ ռազմածովային ուժերի գործունեությունը լուսաբանող USNI News հրատարակությունը։
Տաթև Ֆռանգյան
