29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Վրաստանը խորհրդարանի նոր նախագահ ունի
Քաղաքականություն
29.12.2021 | 15:24
Վրաստանի խորհրդարանի պատգամավորներն այսօր կայացած արտահերթ նիստի ժամանակ օրենսդիր մարմնի նոր նախագահ են ընտրել կրթության և գիտության հանձնաժողովի ղեկավար Շալվա Պապուաշվիլիին։ Այս մասին գրում է ՏԱՍՍ-ը։
«Ուզում եմ շնորհակալություն հայտնել խորհրդարանական մեծամասնությանը՝ խորհրդարանի նախագահի պաշտոնում ինձ առաջադրելու և ցուցաբերած վստահության համար։ Դա մեծ պատիվ և պատասխանատվություն է հասարակության և մեր քաղաքական թիմի համար, ուստի այս պաշտոնում ես ամեն ինչ կանեմ՝ մեր երկրին ու ժողովրդին արժանապատվորեն ծառայելու համար»,- ասել է Պապուաշվիլին քվեարկությունից առաջ ունեցած ելույթում։
Վրաստանի խորհրդարանի կանոնակարգի համաձայն՝ նոր նախագահ պետք է ընտրվի նախորդի հրաժարականից հետո 10 օրվա ընթացքում։ Օրենսդիր մարմնի նախագահ ընտրելու համար բավական է խորհրդարանի ցուցակային կազմի կեսից ավելիի աջակցությունը՝ 76 ձայն։ Վրաստանի իշխող կուսակցությունն այս պահին խորհրդարանում ունի 83 տեղ:
Ինչ վերաբերում է խորհրդարանի նախկին նախագահ Կախա Կուչավային, ապա, ըստ պաշտոնական տեղեկությունների, նա կմնա «Վրացական երազանքի» քաղխորհրդի անդամ և «կաշխատի շատ կարևոր կառավարական նախագծի վրա»։
Տաթև Ֆռանգյան
