18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
ԱՄՆ-ում և Եվրոպայում կորոնավիրուսով վարակման աննախադեպ ցուցանիշ է գրանցվել
Քաղաքականություն
29.12.2021 | 12:04
Միանգամից մի քանի եվրոպական երկրներ և Միացյալ Նահանգները երեքշաբթի օրը գերազանցել են մեկ օրում կորոնավիրուսով վարակվածների թվի հակառեկորդները, գրում է BBC-ի ռուսական ծառայությունը։
Վարակվածության առավելագույն ցուցանիշներ են գրանցվել Ֆրանսիայում, Անգլիայում, Պորտուգալիայում, Հունաստանում, Դանիայում և Իտալիայում։
Ֆրանսիայում օրական գրանցվող նոր վարակակիրների թիվը հասել է շուրջ 180 հազարի։ Առողջապահության նախարար Օլիվյե Վերանը հայտնել է, որ հունվարի սկզբին այդ թիվը կարող է հասնել 250 հազարի։
Անգլիայում օրական ավելի քան 117 հազար վարակման նոր դեպք է արձանագրվել։ Սա մոտավորապես կրկնակի ավելի է, քան այս տարվա հունվարին էր՝ համաճարակի վերջին գագաթնակետի ժամանակաշրջանում։ Ուշագրավ է, սակայն, որ հիվանդանոցներում կորոնավիրուսից բուժվողների թիվը նույն ժամանակահատվածի համեմատ շուրջ 4 անգամ պակաս է՝ 9,5 հազար՝ 34 հազարի դիմաց։
ԱՄՆ-ում, տարբեր աղբյուրների համաձայն, այս երկուշաբթի օրը գրանցվել է 512-ից 545 հազար մարդ։ Ամերիկացի բժիշկների գնահատականներով՝ «Օմիկրոն» շտամին բաժին է ընկնում վարակների 59 %-ը։
Տաթև Ֆռանգյան
