17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Միխեիլ Սաակաշվիլիի՝ Վրաստան մուտք գործելու գործով ձերբակալված 4 անձինք խոստովանել են իրենց մեղքը
Քաղաքականություն
28.12.2021 | 20:58
Թբիլիսիի քաղաքային դատարանում ընթանում է Միխեիլ Սաակաշվիլիի կողմից սահմանը ապօրինի հատելու գործով ձերբակալված Գիորգի Նարիմանիձեի, Էլգուջա Ցոմաիայի, Զուրաբ և Շալվա Ծոծորիաների կալանավորման գործով նախնական դատական նիստը, հաղորդում է Վրաստանի առաջին ալիքը։
Դատավորը ամբաստանյալներից հետաքրքրվեց՝ իրենց մեղավոր ճանաչու՞մ են։ Նրանցից յուրաքանչյուրը դատավարության ժամանակ հայտարարեց, որ իրեն մեղավոր է ճանաչելու։
Նիստում կողմերը քննարկել են ապացույցների ընդունելիությունը, իսկ դատավորը ապացույցները ճանաչել է ընդունելի։
Այսօր վերանայվել է նաև մեղադրյալի նկատմամբ որպես խափանման միջոց կալանավորումը։ Դատախազությունը միջնորդել է բոլոր չորս մեղադրյալներին թողել բանտարկության մեջ։ Դատարանը բոլոր չորս ամբաստանյալների նկատմամբ որպես խափանման միջոց է կիրառվել կալանավորումը։
Մեղադրյալները՝ Գիորգի Նարիմանիձեն, Էլգուջա Ցոմաիան, Շալվա և Զուրաբ Ծոծորիաները մեղադրվում են ծանր հանցագործությունները կոծկելու մեջ։ Էլգուջա Ցոմաիային նույնպես մեղադրանք է առաջադրվել ապօրինի սահմանը հատելուն աջակցելու մեջ:
Ուկրաինայի քաղաքացի Միխեիլ Սաակաշվիլիի կողմից Վրաստանի սահմանն ապօրինի հատելու, կազմակերպված խմբի կողմից անձին վրացական սահմանն ապօրինի անցկացնելու մեջ օժանդակության գործն հետաքննվում է 344-րդ հոդվածի առաջին մասով։
