27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Ես կսպանեմ բոլորիդ»․ Թուրքիայում զինված հարձակում է իրականացվել քրդական կուսակցության շենքի վրա
Քաղաքականություն
28.12.2021 | 19:52
Թուրքիայի Ստամբուլ քաղաքի Բահչելիևլերում գտնվող քրդամետ Ժողովուրդների դեմոկրատական կուսակցության (HDP) գրասենյակի վրա այսօր զինված հարձակում է իրականացվել, գրում են թուրքական լրատվամիջոցները։
Նշվում է, որ հարձակվողը զինված է եղել դանակով ու ատրճանակով։ Նա նախ մտել է շենք՝ ասելով, որ ցանկանում է տեղեկություններ ստանալ կուսակցության մասին, իսկ հետո սպառնացել է սպանել HDP-ի անդամներին և դանակով վիրավորել Ռամազան Դիշարըին։
«Ես կսպանեմ բոլորիդ»,- բղավել է հանցագործը։
Կուսակցության անդամները փորձել են կանխել հարձակումը։ Հանցագործը փախել է հարևան հացատուն, սակայն քիչ հետո նրան բերման են ենթարկել։ Լրատվամիջոցների հետ զրույցում քրդամետ կուսակցության անդամներն ասել են, որ հարձակումը նախօրոք ծրագրաված է եղել։
Կուսակցության Ստամբուլի գրասենյակի ղեկավար Ֆերհաթ Էնջուն էլ ասել է, որ զենքը չի կրակել, այդպիսով հնարավոր է եղել մահերից խուսափել։ Այս հարձակումը տեղի է ունենում հունիսի 17-ին Իզմիր նահանգում Օնուր Գենջերի կողմից HDP-ի մեկ այլ անդամի՝ Դենիզ Փոյրազի սպանության գործով առաջին նիստի նախօրեին։
Էմմա Չոբանյան
