16.12.2025 | 14:02
ԿԲ նախագահ Մարտին Գալստյանի ասուլիսը. ՈՒՂԻՂ
Բաքվում ցույցի դուրս եկած լրագրողների և ոստիկանների միջև ծեծկռտուք է տեղի ունեցել․ ԼՈՒՍԱՆԿԱՐՆԵՐ
Քաղաքականություն
28.12.2021 | 16:03
Բաքվում անկախ և ընդդիմադիր լրատվամիջոցները ներկայացնող մի խումբ լրագրողներ այսօր կրկին բողոքի ակցիա են կազմակերպել խորհրդարանի շենքի մոտ, գրում է Թուրան գործակալությունը։
Նրանք դժոգոհում են «Մեդիայի մասին» օրենքում փոփոխություններից՝ նշելով, որ դրանք սահմանափակում են մամուլի իրավունքներն ու խոսքի ազատությունը։ Բողոքի ակցիայի մասնակիցներն իրենց վրդովմունքն են հայտնել, որ խորհրդարանն անտեսում է օրինագիծը լրամշակելու՝ լրագրողական համայնքի կոչերն ու պահանջը։
Ակցիայի մասնակիցները վանկարկել են՝ «Մենք դեմ ենք ռեակցիոն օրենքին», «Մամուլն ազատ է» կարգախոսները։
Ոստիկանները շրջապատել են լրագրողներին՝ փորձելով հետ մղել նրանց ու խլել պաստառները, իրավապահների և ցուցացարարների միջև բախում և ծեծկռտուք է տեղի ունեցել։
Լրագրողներն ընթերցել են բանաձև, որով պահանջել են պատգամավորներից՝ հաշվի առնել լրագրողական համայնքի կարծիքը և օրինագծում անհրաժեշտ փոփոխություններ անել։ Երկու ցուցարարների թույլ են տվել բանաձևը փոխանցել խորհրդարանի քարտուղարություն։ Պատգամավորներից ոչ ոք, սակայն, դուրս չի եկել ակցիայի մասնակիցների հետ հանդիպման։
Էմմա Չոբանյան
