26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Վլադիմիր Պուտինն ԱՊՀ ստեղծումն արդարացված քայլ է անվանել
Քաղաքականություն
28.12.2021 | 17:03
Ռուսաստանի նախագահ Վլադիմիր Պուտինը կարծում է, որ 30 տարի առաջ Անկախ պետությունների համագործակցության (ԱՊՀ) ստեղծումն արդարացված քայլ էր։
«Վերջին տարիների և տասնամյակների ընթացքում շատ բան կտրուկ փոխվել է, միևնույն ժամանակ, ուզում եմ նշել, որ կազմակերպության ստեղծումը, իհարկե, արդարացված էր։ Ինտեգրումը շատ ոլորտներում խորացել է»,- ասել է նա ԱՊՀ երկրների ղեկավարների ոչ պաշտոնական գագաթնաժողովի ժամանակ, որն այսօր ընթանում է Սանկտ Պետերբուրգում։
Դա, ըստ ՌԴ ղեկավարի, վերաբերում է ինչպես ԱՊՀ երկրների անվտանգությանը, այնպես էլ տնտեսությանը։
«Պետք է ասեմ, որ, ընդհանուր առմամբ, դրական դեր են խաղում այն հարաբերությունները, որոնք պահպանվել են դեռևս Խորհրդային Միության ժամանակներից․ դրանք ընդհանուր կոմունիկացիաներ են, ընդհանուր ձեռնարկություններ, որոնք աշխատում են որպես գործընկերներ»,- նշել է Պուտինը։
Այս ամենը, ըստ ՌԴ ղեկավարի, ոչ միայն պարզապես պահպանվել է, այլ շատ բան «ստեղծվել ու զարգացել է միանգամայն նոր հողի, նոր հիմքի վրա»։
Տաթև Ֆռանգյան
