21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Վարդան Ղուկասյանի դստեր փեսացուի սպանությունից 9 տարի անց Գյումրու կենտրոնում սպանել են նրա մորը
Հասարակություն
28.12.2021 | 15:15
Քիչ առաջ սպանություն է տեղի ունեցել Գյումրու կենտրոնում․ Բագրատունյաց օղակում գտնվող լեհական խանութում սպանել են սեփականատիրոջը՝ 63-ամյա Անահիտ Իսկանդարյանին։ Նախնական տեղեկություններով, նրան գտել են պարանոցը կտրած վիճակում, հափշտակել են նրա դրամապանակը։
Անահիտ Իսկանդարյանը Գյումրու նախկին քաղաքապետ Վարդան Ղուկասյանի դստեր փեսացու՝ Կարեն Եսայանի մայրն էր։
Հիշեցնենք, որ Կարեն Եսայանին դաժանաբար սպանել էին 2012 թվականի ապրիլի 12-ին հենց իր նշանադրության օրը։
ՀՀ ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը մեզ տեղեկացրեց, որ այսօր ժամը 13։50-ին շտապօգնությունից ոստիկանություն ահազանգ է տացվել, որ Գյումրու Բագրատունյաց օղակում «Հովնան» խանութի մոտ գտել են կնոջ դի։ Դեպքի վայր է մեկնել օպերատիվ-քննչական խումբ, անհրաժեշտ գործողություններ են կատարվում հանգամանքները պարզելու համար։
Շիրակի դատախազ Գուրգեն Գիրգորյանն ասաց, որ հայտնաբերվել է 1958 թվականին ծնված Ա․-ի դին, դեպքի վայրում աշխատում է նախաքննություն իրականացնող մարմինը, ձեռնարկվում են օպերատիվ-հետախուզական միջոցառումներ սպանությունը կատարած անձի ինքնությունը պարզելու ուղղությամբ։
Արմիկ Մովսիսյան
