08.06.2026 | 17:15
ՌԴ-ն ուզում էր կիրառել բոլոր գործիքները ՀՀ-ն իր ազդեցության գոտում պահելու․ պորտուգալացի պատգամավոր․ ՏԵՍԱՆՅՈՒԹ
Իսրայելի վարչապետը կոչ է արել կոշտ դիրքորոշում ցուցաբերել Իրանի հետ բանակցություններում
Քաղաքականություն
28.12.2021 | 19:01
Իսրայելի վարչապետ Նաֆթալի Բենեթը հայտարարել է, որ իր երկիրը պատրաստ է աջակցել Իրանի հետ միջուկային ծրագրի շուրջ Գործողությունների համատեղ համապարփակ ծրագրի (JCPOA) վերաբերյալ «լավ» համաձայնագրի իրականացման հարցում, սակայն բանակցող երկրներին կոչ է արել ավելի կոշտ դիրքորոշում ընդունել Թեհրանի նկատմամբ։ Այս մասին Իսրայելի վարչապետն ասել է Galei IDF ռադիոկայանին տված հարցազրույցում, փոխանցում է ՌԻԱ Նովոստին։
«Մենք հակամարտություն չենք փնտրում, ի վերջո, դա կարող է լավ գործարք լինել, հնարավո՞ր է դա անել հիմա՝ ներկայիս դինամիկայի դեպքում: Ո՛չ, քանի որ այստեղ մեզ անհրաժեշտ է ավելի ուժեղ դիրքորոշում։ Իրանը հանդես է գալիս շատ թույլ դիրքերից, բայց աշխարհն իրեն այնպես է պահում, կարծես այն հաղթաթուղթ ունի»,- ասել է վարչապետը։
Հիշեցնենք, որ երկուշաբթի օրը Վիեննայում մեկնարկել է Իրանի հետ միջուկային համաձայնագրի վերականգնման շուրջ բանակցությունների ութերորդ փուլը։
Տաթև Ֆռանգյան
