06.08.2026 | 09:00
Կառավարության նիստը. ՈՒՂԻՂ
Պապիկյանի դիրքերն ամուր են, նա ՊՆ-ում կաշկանդվածություն չունի բարձրաստիճան զինվորականներից. Խաչատրյան․ ՏԵՍԱՆՅՈՒԹ
28.12.2021 | 13:23
«Քաղաքացիական պայմանագիր» խմբակցության պատգամավոր Արմեն Խաչատրյանը լրագրողների հետ զրույցում հայտնեց, որ պատգամավորներով այցելել են Սյունիք, եղել դիրքերում, ծանոթացել խնդիրներին․ «Հնարավոր է՝ մինչ հունվարի 1-ը կրկին այց ունենանք դիրքեր։ Այցելությունների մեծ մասը չի լուսաբանվում, քանի որ պարունակում են պետական գաղտնիքի տարրեր»։
Խոսելով դիրքերի կահավորումից՝ Խաչատրյանը նկատեց՝ կան խնդիրներ, որոնք լուծումների կարիք ունեն, և դրանց լուծումներ կտրվեն։
Անդրադառնալով ՀՀ պաշտպանության նախարարությունում կադրային փոփոխություններին և կառավարման ձևին՝ պատգամավորն ընդգծեց, որ կադրային փոփոխություններ են պետք։
«Մենք անցել ենք պատերազմի միջով, պրակտիկ տեսել ենք՝ որտեղ կան խնդիրներ: Բանակում պետք է կադրային լուրջ փոփոխություններ իրականացվեն, պետք է լինեն այնպիսի կադրեր, որոնք այսօրվան համահունչ են և կարող են այսօրվա պայմաններում բանակի ձևավորման մեջ լուրջ դերակատարում ունենալ»,- ասաց Խաչատրյանը:
Նա նաև հավելեց, որ հիմա Հայաստանն ունի նոր մարտահրավերներ, և այդ մարտահրավերների պայմաններում պետք է ունենալ նոր կադրեր, նոր մտածելակերպ:
«Հին մեթոդներով մենք երկար ժամանակ արդյունքների չենք հասնի, հետևաբար, կադրային փոփոխությունը շատ պահանջված է: Գեներալ կլինի, ավագ լեյտենանտ կլինի՝ որևէ նշանակություն չունի. պետք է ծառայության մեջ լինեն այն մարդիկ, որոնք ունեն բարեփոխումների տեսլականը: Ինչը, որ կար, մեզ բերեց արհավիրքի, ու պատերազմում տեսանք բավականին լուրջ խնդիրներ՝ սկսած զորահավաքային խնդիրներից, վերջացրած մարտերի կառավարման խնդիրներով»,- նկատեց պատգամավորը:
Խաչատրյանը նաև հավելեց, որ պաշտպանության նախարար Սուրեն Պապիկյանի դիրքերն ամուր են, նա ՊՆ-ում կաշկանդվածություն չունի բարձրաստիճան զինվորականներից:
Մանրամասները՝ տեսանյութում:
