26.06.2026 | 09:48
Արտարժույթների փոխարժեքները՝ հունիսի 26-ի դրությամբ
Բուհ ընդունվելիս հնարավոր կլինի միևնույն քննությունը հանձնել երկու անգամ. Վահրամ Դումանյան․ ՏԵՍԱՆՅՈՒԹ
Հասարակություն
28.12.2021 | 11:33
2023-2024թթ-ին ԲՈՒՀ-երում ընդունելության կարգը կփոխվի: Այս մասին այսօր հրավիրված ասուլիսի ժամանակ հայտարարեց ԿԳՄՍ նախարար Վահրամ Դումանյանը՝ տեղեկացնելով, որ նախատեսվող փոփոխության համաձայն՝ ԲՈՒՀ ընդունվելիս հնարավոր կլինի միևնույն քննությունը հանձնել երկու անգամ:
«Մինչ այժմ եղել է մեկ անգամ, նախատեսվող փոփոխությամբ, եթե տարբեր պատճառներով դիմորդը հաջող չի հանձնում քննությունը և հնարավորություն չի ունենում ԲՈՒՀ ընդունվել, այդ հնարավորությունը լինելու է հաջորդ տարի: Մենք ուզում ենք շրջանավարտներին լրացուցիչ հնարավորություն տալ, որպեսզի ավելի անկաշկանդ լինեն, և քննական սթրեսները նվազեն։ Ի վերջո, միասնական քննություն հանձնելն իրոք սթրես է, չմոռանանք, որ խոսքը գնում է դպրոցը նոր ավարտած շրջանավարտների մասին, նրանցից յուրաքանչյուրը չէ, որ կարող է այդ սթրեսը թեթև տանել»,- նշեց Դումանյանը:
Նախարարը նաև հայտնեց, որ արհեստագործական և միջին մասնագիտական ոլորտում վերջին երեք տարիներին ներդրվել է 21 նոր մասնագիտություն, 2022թ-ին նախատեսվում է ներդնել ևս 2-ը:
«Բարձրագույն կրթության և գիտության մասին» օրենքը, որի որոշ դրույթներ ՍԴ-ն հակասահամնադրական էր ճանաչել, խմբագրվել են, և նախագծի նոր տարբերակը ներկայացվել է արդեն Կառավարությանը, ԱԺ-ում հավանության արժանանալուց հետո օրենքը կդրվի շրջանառության մեջ:
Մանրամասները՝ տեսանյութում:
