29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
ՌԴ-ն և ԱՄՆ-ը սպառազինությունների վերահսկման շուրջ բանակցություններ կանցկացնեն
Քաղաքականություն
28.12.2021 | 13:34
Սպիտակ տան տվյալներով՝ ԱՄՆ-ի և Ռուսաստանի ներկայացուցիչների միջև սպառազինությունների վերահսկման շուրջ բանակցությունները տեղի կունենան հունվարի 10-ին։ Բանակցությունների թեման Ուկրաինան է։ Հունվարի 12-ին էլ տեղի կունենա Ռուսաստան-ՆԱՏՕ խորհրդի նիստ, իսկ հաջորդ օրը՝ բանակցություններ Ռուսաստանի և ԵԱՀԿ ներկայացուցիչների միջև, գրում է BBC-ի ռուսական ծառայությունը։
Վերջին շաբաթներին արևմտյան երկրները Ռուսաստանին մեղադրում էին Ուկրաինա նոր ներխուժում իրականացնելու մտադրության մեջ։ Ըստ ԱՄՆ-ի և ՆԱՏՕ-ի ղեկավարների՝ Մոսկվան զորքեր է կենտրոնացնում Ուկրաինայի սահմաններին, և նրա գործողությունները վկայում են հարձակողական օպերացիա նախապատրաստելու մասին։
Ի պատասխան նման պնդումների՝ Ռուսաստանը հայտարարում է, որ իր տարածքում զորքերի տեղաշարժը ոչ ոքի չպետք է անհանգստացնի, սակայն ընդգծում, որ իրավունք ունի պաշտպանել իր ազգային անվտանգությունը։
Տաթև Ֆռանգյան
