Քաղաքականություն
27.12.2021 | 19:30
Սիրիական Դեյր էս-Զոր նահանգում «Ժողովրդական դիմադրության ստորաբաժանման» զինյալները հարձակվել են քրդական «Սիրիայի դեմոկրատական ուժերի» կազմավորումների վրա։ Այս մասին գրում է ՏԱՍՍ-ը՝ վկայակոչելով «Սանա» գործակալությանը։
Նշվում է, որ էլ-Հարաֆի բնակավայրի մոտ քրդական ռազմական պարեկը հարձակման է ենթարկվել, նրա ճանապարհին ական է պայթել։ Ականատեսների վկայությամբ՝ քրդական մարտիկների շրջանում կան կորուստներ, քրդական ջոկատները տարածքը շրջափակել են, շտապօգնության մեքենաները տանում են վիրավորներին հոսպիտալ։
Գործակալությունը նաև նշում էր վերին շաբաթներին քրդերի վերահսկողության տակ գտնվող շրջաններում տասնյակ պարեկակետերի վրա հարձակումների մասին։
Նշենք, որ քրդական ուժերի վերահսկողության տակ են գտնվում Հասեքե և Ռաքքա նահանգների մեծ մասը, ինչպես նաև Դեյր էս-Զորի հյուսիսային շրջանները։
Էմմա Չոբանյան
