16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լկտի սուտ է, թե վարչապետը ձեռքերը լվացել է Արցախի խնդրից. Գևորգ Պապոյան․ ՏԵՍԱՆՅՈՒԹ
Քաղաքականություն
27.12.2021 | 17:54
«Վարչապետը գրառումներ է արել և պատասխանել է բոլոր հարցերին: Վարչապետը չի խոսել իր պատկերացումների մասին, այլ խոսել է նախկինում եղած փաստերի մասին: Երկու տարբերակ կարող է լինել՝ կան մարդիկ, որոնք չգիտեին այդ փաստի մասին, բայց պետք է իմանային, կա՛մ մարդիկ կան, որոնք գիտեն»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Գևորգ Պապոյանը՝ անդրադառնալով Արցախի հարցի կարգավորմանն ուղղված բանակցային գործընթացի վերաբերյալ վարչապետ Նիկոլ Փաշինյանի՝ առցանց ասուլիսում հնչեցրած դիտարկումների վերաբերյալ քննադատություններին:
Անդրադառնալով ընդդիմության այն քննադատությանը, թե «Հայաստանը, մասնավորապես երկրի ղեկավար Նիկոլ Փաշինյանը ձեռքերը լվացել է Արցախի խնդրից», Պապոյանն արձագանքեց. «Դա սուտ է, դա լկտի սուտ է: Իրավիճակը լրիվ հակառակն է»:
Հարցին, թե ինչու է Արցախի նախագահ Արայիկ Հարությունյանը նույնպես նման դիրքորոշում հայտնում հրապարակայնորեն, պատգամավորը չպատասխանեց՝ նշելով՝ երևի նրան պետք է հարցնեք: Նա հավելեց, որ բացարձակ որևէ խնդիր չի նկատել Արայիկ Հարությունյանի հետ իշխող խմբակցության փակ քնարկումների և ԱԺ-ում հանդիպման ժամանակ:
«Արցախի խնդրի շուրջ Արցախի ղեկավարությունը երբեք այսքան տեղեկացված չի եղել և երբեք այսքան ներգրավված չի եղել»,- նշեց Պապոյանը: – Անհանգստության և վտանգի առիթ չկա: Ավելի լավ կլիներ, եթե 2016-ին այդ անհանգստությունն արտահայտեին, երբ որ իրական վտանգներ կային և ոչ ոք ձայն չէր հանում»:
Մանրամասները՝ տեսանյութում:
