17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Թեհրանը միջուկային գործարքից դուրս ոչ մի պահանջ չի ընդունի․ Իրանի ԱԳՆ
Քաղաքականություն
27.12.2021 | 17:27
Իրանի իշխանությունները չեն ընդունի ոչ մի պայման, որը նախատեսված չէ Թեհրանի միջուկային ծրագրի վերաբերյալ Գործողությունների համատեղ համապարփակ ծրագրով (JCPOA): Al Jazeera-ի հաղորդմամբ՝ այս մասին երկուշաբթի հայտարարել է Իսլամական Հանրապետության ԱԳ նախարարությունը։
Որոշ բանակցողներ ձգտում են առաջ քաշել լրացուցիչ պահանջներ, ասել են Իրանի ԱԳՆ-ից՝ նշելով, որ Թեհրանը որևէ պարտավորություն չի ստանձնի այս գործարքի շրջանակից դուրս և հանդես է գալիս պատժամիջոցների ամբողջական վերացման օգտին։
«Մենք վճռական ենք Վիեննայում կայանալիք բանակցություններում ընդունելի արդյունքի հասնելու համար և չենք անտեսելու մեր շահերը։ Մենք կոչ ենք անում «եվրոպական եռյակի» երկրներին (Մեծ Բրիտանիա, Ֆրանսիա և Գերմանիա) լուրջ միջոցներ ձեռնարկել՝ JCPOA-ին վերադառնալու համար»,- հայտարարել է Իրանի ԱԳՆ-ն։
Բացի այդ, Թեհրանը հաստատել է, որ դեմ չէ միջուկային օբյեկտներ միջազգային տեսուչների այցերին՝ պայմանով, որ պահպանվի գաղտնիությունը, ինչպես նաև խոստացել է վերադառնալ միջուկային ծրագրի շրջանակում ստանձնած պարտավորություններին՝ համաձայնագրին գործարքի բոլոր կողմերի վերադարձի դեպքում։
Տաթև Ֆռանգյան
