Քաղաքականություն
27.12.2021 | 15:04ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի այսօրվա նիստի օրակարգում ընդգրկվել է Հեռուստատեսության և ռադիոյի հանձնաժողովի անդամների թափուր տեղերի թեկնածուների քննարկման հարցը:
«Հայաստան» խմբակցությունն առաջադրել է 1999-2002 թթ. պատգամավոր Մանվել Բադալյանի թեկնածությունը:
Անդրադառնալով «Քաղաքացիական պայմանագիր» խմբակցության պատգամավոր Կնյազ Հասանովի դիտարկմանը, որ հաճախ հաղորդումներում հնչում են անհիմն վիրավորանքներ և մեղադրանքներ՝ ուղղված թե՛ իշխանության, թե՛ ընդդիմության ներկայացուցիչներին, և հարցին, թե ընտրվելու դեպքում ինչպես է դիտարկելու այդ երևույթները, Մանվել Բադալյանն ընդգծեց. «Վիրավորանքին կտրականապես դեմ եմ: Դեմ եմ հատկապես հրապարակային խոսքը վիրավորանքներով համեմելուն, կողմ եմ եղել առողջ, բովանդակային բանավեճերին: Միշտ եղել եմ անկուսակցական և ձգտել եմ քաղաքական չեզոքության և զսպվածության, ինչը նաև օրենքի պահանջ է: Ընտրվելու դեպքում պետք է հետևեմ այդ կանոնին»:
Մանրամասները՝ տեսանյութում:
