Ադրբեջանը չի ցանկանում զորքերը դուրս բերել ՀՀ սուվերեն տարածքից․ Բաքուն Երևանին առաջարկում է դելիմիտացիա սկսել առանց նախապայմանների

Լուրեր

17.11.2026 | 11:19
Գերմանիայի ԱԳ նախարարը Հայաստան և Ադրբեջան է ժամանում
17.11.2026 | 11:11
Միրզոյանը ՆԱՏՕ-ի ներկայացուցչի հետ քննարկել է Հայաստան-ՆԱՏՕ համագործակցության ընդլայնումն ու Կոսովոյում ՀՀ խաղաղապահների առաքելությունը
17.11.2026 | 11:08
ԵՄ-ի բանակցային թիմն առաջին անգամ մասնակցել է ԱՄՆ-ի և Ուկրաինայի բանակցություններին
17.11.2026 | 11:00
Գևորգ Ղազարյանն ու Ռոբերտ Արզումանյանը՝ հայկական ֆուտբոլի խնդիրների մասին. ՏԵՍԱՆՅՈՒԹ
17.11.2026 | 10:48
Միրզոյանը Ռումինիայի ԱԳ նախարարի հետ քննարկել է հայկական արտադրանքի համար եվրոպական շուկաների հասանելիության ընդլայնումը
17.11.2026 | 10:36
Թափառող շների հարձակումների խնդիրը սրվել է, իսկ տուժածների վնասի փոխհատուցման հարցը չի լուծվում․ ՄԻՊ
17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
17.11.2026 | 10:18
Ակցիա ՄԱԿ-ի շենքի դիմաց՝ արցախահայության վերադարձի իրավունքի վերաբերյալ. ՈՒՂԻՂ
17.11.2026 | 10:08
Երևանի ավագանու նիստը՝ ՈՒՂԻՂ
17.11.2026 | 10:06
Մեկնարկել է ATP-ի Ամփոփիչ մրցաշարը. ՏԵՍԱՆՅՈՒԹ
17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
Բոլորը

Բաքուն և Երևանը պետք է սկսեն հայ-ադրբեջանական սահմանի դելիմիտացիան՝ առանց նախապայմանների։ Նման հայտարարություն է արել Ադրբեջանի ԱԳ նախարար Ջեյհուն Բայրամովը այսօր կայացած մամուլի ասուլիսում, գրում են ադրբեջանական լրատվամիջոցները։

«Սահմանների որոշումն օրակարգում եղած ամենակարևոր հարցերից է։ Հայաստանն ու Ադրբեջանը անկախությունից ի վեր գրեթե 30 տարի նույնիսկ չեն էլ սկսել սահմանների դելիմիտացիան։ Բնական է, որ դա նորմալ երևույթ չէ, դա հնարավոր չէ ընդունել»,- ասել է Բայրամովը։

Նա նշել է, որ նոյեմբերի 26-ի Սոչիի հանդիպման արդյունքներով փաստաթղթում առաջին անգամ արտացոլվել է այս գործընթացը եռակողմ ձևաչափով սկսելու անհրաժեշտության մասին։

«Նաև ցանկանում եմ նշել, որ թեև եռակողմ հայտարարությունների ձևաչափով արտացոլված չէ պաշտոնական փաստաթղթում, նման նախաձեռնություն հնչել է դեռ այս տարվա մայիսին, և ադրբեջանական կողմը պատասխանել է դրան՝ համաձայնություն տալով աշխատանքային խմբի ստեղծմանը։ Սակայն Հայաստանը մի շարք նախաձեռնություններ է առաջ քաշել, որոնք անընդունելի են Ադրբեջանի համար»,- ասել է Բայրամովը՝ հավելելով․ «Մենք գտնում ենք, որ այս գործընթացին  պետք է մոտենալ առանց նախապայմանների, քանի որ եթե մենք սկսենք առաջադրել մեր սեփական պայմանները, հանձնաժողովի ստեղծման գործընթացը կարող է ձգձգվել և դառնալ անվերջ։ Մենք ենթադրում ենք, որ բարդ գործընթացի մեկնարկն արդեն իսկ դրական ուղերձ է»։

Բայրամովը նաև ընդգծել է, որ Ադրբեջանը պատրաստ է սկսել Հայաստանի հետ սահմանների դելիմիտացիան։

Հավելենք, որ Բայրամովի հայտարարությունը ևս մեկ անգամ ցույց է տալիս, որ Ադրբեջանն իրականում չի ցանկանում Հայաստանի հետ սահմանների դելիմիտացիա իրականացնել՝ հրաժարվելով իր զորքերը դուրս բերել ՀՀ սուվերեն տարածքից, որտեղ ադրբեջանցիները գտնվում են մայիսի 12-ից։

ՀՀ իշխանությունները տարբեր մակարդակով ադրբեջանական զորքերի դուրսբերման անհրաժեշտության մասին բազմիցս են հայտարարել։ Ի դեպ, այս մասին ասվում է նաև Բրյուսելում ԵՄ Խորհրդի նախագահ Շառլ Միշելի միջոնորդությամբ Հայաստանի ու Ադրբեջանի ղեկավարների եռակողմ հանդիպման  արդյունքներով եվրոպական կողմի հայտարարության մեջ։

Էմմա Չոբանյան