24.04.2026 | 23:32
Կապանում ջրանջատում կլինի
Բաքուն ակնկալում է ԵՄ-ի հետ նոր համաձայնագրի շուրջ բանակցություններն ավարտել 2022 թվականին
Քաղաքականություն
27.12.2021 | 16:18
Ադրբեջանն ակնկալում է Եվրամիության (ԵՄ) հետ ռազմավարական գործընկերության նոր համաձայնագրի շուրջ բանակցություններն ավարտել 2022 թվականին։ Այս մասին երկուշաբթի տեղի ունեցած ասուլիսում հայտարարել է Ադրբեջանի արտգործնախարար Ջեյհուն Բայրամով, գրում է ՏԱՍՍ-ը։
«Ներկայում նոր համաձայնագրի շուրջ բանակցությունները շարունակվում են, դրանք ընթանում են չորս փաթեթ հարցերի շուրջ՝ քաղաքականություն, անվտանգություն, առևտուր և տնտեսություն: Ներկայում առևտրատնտեսական բլոկի որոշ հարցեր մնում են չհամակարգված, սակայն ինտենսիվ երկխոսություն է ընթանում։ Աշխատանքը հնարավոր կլինի ավարտել 2022 թվականին»,- ասել է ադրբեջանցի պաշտոնյան։
2016 թվականի նոյեմբերին ԵՄ խորհուրդը Եվրահանձնաժողովին ու արտաքին գործերի և անվտանգության քաղաքականության հարցերով գերագույն ներկայացուցչին հանձնարարել է Եվրամիության և նրա անդամ երկրների անունից բանակցություններ վարել Ադրբեջանի հետ համապարփակ ռազմավարական գործընկերության համաձայնագրի շուրջ: Նոր համաձայնագիրը պետք է փոխարինի 1996 թվականի Գործընկերության և համագործակցության համաձայնագրին: Այն նախատեսում է Ադրբեջանի օրենսդրության մոտարկում միջազգային և առևտրային կարևորագույն նորմերին և ԵՄ չափանիշներին։
Տաթև Ֆռանգյան
