30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Չավուշօղլուն ասել է, որ ՀՀ-ի հետ երկխոսության հարցերում Թուրքիան իր գործողությունները համակարգում է Ադրբեջանի հետ
Քաղաքականություն
27.12.2021 | 13:22
Թուրքիայի ԱԳ նախարար Մևլութ Չավուշօղլուն այսօր Անկարայում տեղի ունեցած ասուլիսում անդրադարձել է նաև հայ-թուրքական հարաբերություններին՝ նշելով, որ տարեսկզբից Հայաստանի հետ հարաբերությունների կարգավորման ջանքեր են գործադրվում։ Այս մասին հայտնում են թուրքական լրատվամիջոցները։
«Փոխադարձ ներկայացուցիչներ են նշանակվել Հայաստանի հետ հարաբերությունների կարգավորման համար։ Հատուկ ներկայացուցիչներն առաջին հանդիպումն անցկացնելու են Մոսկվայում։ Հայաստանը ցանկություն ունի դրա հետ կապված։ Առաջիկայում նախատեսվում է նաև վերսկսել Երևան-Ստամբուլ չվերթները»,- ասել է Չավուշօղլուն։
Նա հավելել է, որ Հայաստանի հետ երկխոսության հարցերում Թուրքիան իր գործողությունները համակարգում է Ադրբեջանի հետ։
Չավուշօղլուն նաև հիշեցրել է Մոսկվայում վերջերս կայացած «3+3» ձևաչափով հանդիպման մասին։ Նրա խոսքով՝ նման հանդիպումները նշանակալից են, և Անկարան պատրաստ է ընդունել դրանցից որևէ մեկը։ Այդ ձևաչափով երկխոսությունը, ըստ Չավուշօղլուի, կազմակերպվելու է ռոտացիոն կերպով։
Հիշեցնենք, որ Հայաստանի կողմից հատուկ բանագնաց է նշանակվել ՀՀ ԱԺ փոխխոսնակ Ռուբեն Ռուբինյանը, իսկ թուրքական կողմից՝ ԱՄՆ-ում Թուրքիայի նախկին դեսպան Սերդար Քըլըչը։
Էմմա Չոբանյան
