16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ինչպես է ձևավորվելու Երևանի գլխավոր հատակագիծը․ ՏԵՍԱՆՅՈՒԹ
27.12.2021 | 11:58
Քաղաքի կառավարման գործիքակազմի թվայնացումը և այդ մոդելի տեղափոխումը Աշխարհագրական տեղեկատվական համակարգի (GIS) հարթակի վրա ապահովելու նպատակով Երևանի քաղաքապետարանի «Քաղաքաշինություն» ՓԲԸ կազմում ձևավորվել է նոր բաժին․ տեղեկացնում են Երևանի քաղաքապետարանից։
Համայնքային երկու՝ «Երևաննախագիծ» և «Քաղաքաշինություն» ընկերություններն այժմ նախապատրաստական աշխատանքներ են տանում նոր ռազմավարական փաստաթղթի ձևավորման նպատակով: Այն կլինի քաղաքի անընդհատ զարգացումն արտահայտող թվայնացված փաստաթուղթ, որն ապահովելու է Երևանի համաչափ ու դինամիկ զարգացումը:
«Երևանի գլխավոր հատակագծից բխող քաղաքի կառավարման բոլոր այն մեխանիզմները, որոնք կային, հնացած են: Միլիոնանոց բնակչությամբ քաղաքը պահանջում է դինամիկ կառավարման նոր մոտեցումներ ու լուծումներ, որոնք պետք է ներառվեն փաստաթղթում: Դա կբերի արագ ու օբյեկտիվ որոշումների կայացմանը»,- նշել է Երևանի քաղաքապետի խորհրդական Դավիթ Ճգնավորյանը:
«Քաղաքաշինություն» ՓԲԸ-ն, որը զբաղվում է գեոդեզիական աշխատանքներով (տարածքների չափագրում գլոբալ դիրքավորման համակագի (GPS) միջոցով, հողամասերի հատակագծերի թողարկմամբ ու մի շարք այլ գործառույթներով ապահովվել է չափագրման նորագույն տեխնոլոգիաներով համալրված սարքավորումներով, ինչը կնպաստի իրականացվող աշխատանքների առավել ճշգրտությանը, պատվերների կատարման ժամկետների կրճատմանը, տարածական պլանավորման հիմք հանդիսացող ելակետային տվյալների կուտակման արդյունավետ կազմակերպմանը ու քաղաքացիների սպասարկման որակի բարձրացմանը:
