07.11.2024 | 12:34
«Ավտոբո՞ւս կայանել. «Նոան» երբեք այդպես չի խաղում». Մոտան՝ Չելսիի հետ խաղի մասին
Իսրայելը ցանկանում է նոր բնակավայրեր կառուցել Սիրիայից գրավված Գոլանի բարձունքներում
Քաղաքականություն
27.12.2021 | 18:22
Իսրայելի իշխանությունները հաստատել են Գոլանի բարձունքներում վերաբնակիչների թվի ավելացման ծրագիրը, որոնք ՄԱԿ-ը համարում է «սիրիական օկուպացված հողեր»։
Նախատեսվում է մոտ 1 միլիարդ շեքել (ավելի քան 300 մլն դոլար) ներդնել նոր բնակավայրերի կառուցման համար։ Իսրայելի վարչապետ Նաֆթալի Բենեթի խոսքով՝ առաջիկա տարիներին նախատեսվում է կրկնապատկել հրեա վերաբնակիչների թիվը Գոլանում՝ հասցնելով 50 հազարի, գրում է BBC-ի ռուսական ծառայությունը։
Մինչև 1967 թվականը Գոլանի բարձունքները եղել են Սիրիայի Կունեյտրա նահանգի կազմում։ Այս տարածքի արևմտյան մասը գրավվել է Իսրայելի կողմից 1967 թվականի հունիսի վեցօրյա պատերազմի ժամանակ։ 1981 թվականին Իսրայելի Կնեսեթն ընդունել է Գոլանի բարձունքների մասին օրենք, որով Իսրայելի ինքնիշխանությունն է հռչակվել օկուպացված տարածքների նկատմամբ։ ՄԱԿ-ի Անվտանգության խորհուրդը չի ճանաչել այս որոշումը։
Տաթև Ֆռանգյան
