24.01.2026 | 11:44
Թրամփի վարչակազմը դիտարկում է Կուբայի ռազմածովային շրջափակումը․ Politico
«Երեք տենոր» մեծ գալա-համերգը ցնցեց հանդիսատեսին
Մշակույթ
25.12.2021 | 14:35
Դեկտեմբերի 24-ին, «Արամ Խաչատրյան» համերգասրահում «Երեք տենոր» մեծ գալա-համերգով հանդես են եկել միջազգային ճանաչում ունեցող հայ օպերային երգիչներ Լիպարիտ Ավետիսյանը, Արսեն Սողոմոնյանը և նոր բարձունքներ նվաճող երիտասարդ տենոր Տիգրան Հակոբյանը. տեղեկացնում են Հայաստանի ազգային ֆիլհարմոնիկ նվագախմբի լրատվական ծառայությունից:
«Հնչեցին հայտնի և սիրված օպերային արիաներ, երգեր և օպերային նախերգանքներ։ Համերգն անցավ Հայաստանի ազգային ֆիլհարմոնիկ նվագախմբի նվագակցությամբ և մաեստրո Էդուարդ Թոփչյանի ղեկավարությամբ: Երաժիշտները նշում են, որ թանկ են գնահատում հայրենիքում, իրենց հարազատ հանդիսատես առջև ելույթ ունենալու ցանկացած հնարավորություն և ուրախ են, որ այս համերգով կարողացան ոգևորել, համախմբել և փոքր-ինչ ամոքել իրենց հարենակիցներին, թե հոգեպես, թե զգացապես:
Նրանք վստահ են, որ բարձրակարգ արվեստը իր մեջ հզոր ուժ ունի: Լիպարիտ Ավետիսյանն ու Արսեն Սողոմոնյանը օպերային արվեստի միջազգային ասպարեզում իրենց սերնդի ամենապահանջված և առաջատար արտիստներից են: Նրանք հանդես են գալիս այնպիսի հեղինակավոր բեմահարթակներում, ինչպիսիք են Քովենթ Գարդենի թագավորական օպերային թատրոնը, Վիեննայի, Մյունխենի Բավարական, Բեռլինի, Ցյուրիխի պետական օպերային թատրոններն ու Բեռլինի Ֆիլհարմոնիկ նվագախումբը»,- ասված է հաղորդագրությունում:
