05.03.2026 | 20:45
«Երեխայիս ներկայությամբ ապտակեց»․ բուլինգից ծագած միջադեպ՝ Բերդավանի դպրոցի բակում. ՏԵՍԱՆՅՈՒԹ
Ոչ միայն Անկարան է հայտ ներկայացրել 3+3 ձևաչափով հանդիպման անցկացման վայրի համար․ Մարիա Զախարովա
Քաղաքականություն
24.12.2021 | 15:12
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ անդրադարձել է 3+3 ձևաչափով գագաթնաժովի անցկացման վայրի մասին հարցին։ Զախարովան ասել է, որ ոչ միայն Անկարան է հայտ ներկայացրել տարածաշրջանային հանդիպման անցկացման համար։
«Սա խոսում է այն մասին, որ այս ձևաչափի բոլոր մասնակիցների շահագրգռվածությունը համատեղ աշխատանքը շարունակելու և գործնական փոխազդեցություն հաստատելու հարցում շատ մեծ է, սակայն հաջորդ հանդիպման տեղի և բովանդակության համաձայնեցումը տեղի է ունենում բոլոր մասնակիցների կոնսենսուսի հիման վրա: Մենք ելնում ենք այն նախադրյալից, որ կարևոր է կենտրոնանալ առաջին հերթին ընդհանուր հետաքրքրություն ներկայացնող հարցերի վրա։ Դրանք ներառում են առևտրատնտեսական հարաբերությունների զարգացումը, տրանսպորտային, մշակութային ու հումանիտար կապերը, պայքարը ընդհանուր մարտահրավերների ու սպառնալիքների դեմ։ Եվ այս ամենը նպաստում է վստահության բարձրացմանը, տարածաշրջանում կայունության ամրապնդմանը»,- ասել է նա:
Տաթև Ֆռանգյան
