07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
ՊՇՌ թեստավորման պահանջը շարունակում է ուժի մեջ մնալ․ ՀՀ կառավարություն
24.12.2021 | 13:51
ՊՇՌ թեստավորման պահանջը շարունակում է ուժի մեջ մնալ, չպատվաստված աշխատողները պարտավոր են իրականացնել թեստավորում․ այս մասին հաղորդագրություն է տարածել ՀՀ կառավարությունը։
«Սահմանադրական դատարանի որոշմամբ ՀՀ առողջապահության նախարարի 2021 թվականի օգոստոսի 20-ի N 65-Ն հրամանը ճանաչվել է սահմանադրական։ Նախարարի հրամանով սահմանված ՊՇՌ թեստավորման պահանջն օրինական է, քանի որ այն բխում է հանրային առողջապահական շահից։
Սահմանադրական դատարանի կողմից առղջապահության նախարարի հրամանի բոլոր հավելվածների՝ «ՊՇՌ թեստավորումն իրականացնում է աշխատողն իր հաշվին» նախադասության մեջ հակասահմանադրական է ճանաչվել միայն «իր հաշվին» բառակապակցությունը, ինչն ամենևին չի վերացնում աշխատողների՝ ՊՇՌ թեստ ներկայացնելու պահանջը։
Չի նախատեսվում արտոնյալ և անվճար պայմաններով ապահովել չպատվաստված աշխատողների ՊՇՌ թեստավորումը, հետևաբար նախարարի հրամանից ելնելով՝ չպատվաստված աշխատողներն ամեն դեպքում պարտավոր են իրականացնել թեստավորում և իրավական կարգավորումներով նախատեսված ընթացակարգերով ներկայացնել թեստավորման արդյունքները գործատուին»,- ասված է հաղորդագրությունում։
Հիշեցնենք, որ երեկ Սահմանադրական դատարանի որոշման հրամապարակումից հետո, ՀՀ առողջապահության նախարարությունը հանդես եկավ պարզաբանմամբ՝ նշելով, որ ՀՀ առողջապահության նախարարի հրամանը ճանաչվել է սահմանադրական և բոլոր պահանջները մնում են ուժի մեջ։ Միայն «իրականացնում է աշխատողն՝ իր հաշվին»
ձևակերպումն է ճանաչվել հակասահմանադրական։
