19.05.2026 | 13:20
Էդուարդ Սպերցյանը խոսել է մեջքի խնդիրների մասին
Աստրախանում հրդեհ է բռնկվել հիվանդանոցի վերակենդանացման բաժանմունքում
Քաղաքականություն
24.12.2021 | 13:40
Աստրախանում հրդեհ է բռնկվել հիվանդանոցի վերակենդանացման բաժանմունքում, այն արդեն մեկուսացվել է։ Չհաստատված տեղեկություններով՝ հիվանդների շրջանում զոհեր կան, գրում է BBC-ի ռուսական ծառայությունը։
Հրդեհը բռնկվել է տարածաշրջանային ինֆեկցիոն հիվանդանոցի «կարմիր գոտու» վերակենդանացման բաժանմունքում, «Ինտերֆաքս»-ին հայտնել է աղբյուրը։
Վերակենդանացման բաժանմունքում հրդեհը մարվել է, կան տուժածներ, լրագրողներին հայտնել է ԱԻՆ մարզային վարչության ներկայացուցիչը։ Կատարվել է տարհանում։
Երկու հիվանդ մահացել է, «Ինտերֆաքս»-ին հայտնել է հիվանդանոցի ղեկավարությունից աղբյուրը, սակայն այս տեղեկության պաշտոնական հաստատում չկա։ Նախնական տվյալներով՝ տեխնիկան է բռնկվել։
«Օդափոխիչները ստուգվել են, հրդեհի պահին դրանք լավ վիճակում են եղել, հրդեհի պատճառը լուսավորության համակարգում անսարքությունն է եղել»,- պնդել է աղբյուրը։
Արտակարգ իրավիճակների նախարարությունից հայտնում են, որ հրդեհի մակերեսը կազմել է 15 ք․մ․։
Տաթև Ֆռանգյան
