Քաղաքականություն
24.12.2021 | 13:31
Թուրքիան չի անտեսի Ուկրաինայի հետ սերտ հարաբերությունները Կիևի և Մոսկվայի միջև լարվածության պայմաններում։ Չնայած Ռուսաստանի Դաշնության հետ սերտ կապերին՝ խնդրի լուծման համար անհրաժեշտ է դիվանագիտություն, ասել է Թուրքիայի ԱԳՆ ղեկավար Մևլութ Չավուշօղլուն, գրում է ՏԱՍՍ-ը։
«Ռուսաստան-Ուկրաինա և Ռուսաստան-ՆԱՏՕ հակամարտությունը հասել է վտանգավոր մակարդակի։ Այն, որ մենք Ռուսաստանի հետ համապարփակ հարաբերություններ ունենք, չի նշանակում, որ մենք կարհամարհենք մեր սկզբունքներն ու սերտ հարաբերությունները Ուկրաինայի հետ։ Նման բարդ հավասարումների լուծման համար մենք անում ենք այն ամենը, ինչն անհրաժեշտ է մեր ազգային անվտանգության համար։ Դա շատ բարդ աշխատանք է, բայց հենց դրա համար էլ անհրաժեշտ է դիվանագիտություն»,- հայտարարել է Չավուշօղլուն տեսակոնֆերանսի ձևաչափով անցկացվող Միջազգային անվտանգության ակադեմիայի նիստին ունեցած ելույթում։
Տաթև Ֆռանգյան
