Մեծ Բրիտանիայում կորոնավիրուսով վարակման դեպքերի ամենօրյա հակառեկորդ է գրանցվում, սակայն մահացության ցուցանիշը ցածր է

Մեծ Բրիտանիայում կորոնավիրուսով վարակվածների թիվը շարունակում է աճել. հինգշաբթի գրանցվել է նոր հակառեկորդ՝ գրեթե 120 հազար դեպք, գրում է BBC-ի ռուսական ծառայությունը։

Նախորդ օրը վարակվածների թիվը կազմել է 106 հազար՝ համաճարակի սկզբից ի վեր առաջին անգամ գերազանցելով 100 հազարի ցուցանիշը։ Դեկտեմբերի 15-ից ի վեր, ընդհանուր առմամբ, վարակվածների թիվը Բրիտանիայում գրեթե ամեն օր նոր առավելագույն է գրանցում։

Միևնույն ժամանակ, Covid-19-ից մահացությունների թիվը մնում է համեմատաբար ցածր՝ վերջին մեկ օրում գրանցվել է մահվան 147 դեպք, նախորդ օրերին՝ 140։

Այս տարվա հունվարին համաճարակի գագաթնակետին Բրիտանիայում ամեն օր ավելի քան 1500 մարդ էր մահանում կորոնավիրուսից, մեկ օրում մահվան առավելագույն ցուցանիշը եղել է 1820 հիվանդ։

Փորձագետներն ու քաղաքական գործիչներն այս տարբերությունը բացատրում են նրանով, որ այժմ բրիտանացիների մեծամասնությունը պատվաստված է կորոնավիրուսի դեմ, և գրեթե կեսն արդեն ստացել է երրորդ բուստերային պատվաստանյութը։ Մյուս կողմից, նրանք նաև հիշեցնում են, որ մահացությունների թվի աճը միշտ վարակվածների թվի աճից պակաս է. հիվանդները չեն մահանում վիրուսով վարակվելուց անմիջապես հետո։

Այնուամենայնիվ, վարակման դեպքերը շատ ավելի քիչ են, քան անցյալ ձմռանը, այժմ Բրիտանիայում ոչ միայն COVID-19-ից մահերի թիվն է պակասել, այլև վարակման հետ կապված հոսպիտալացումները: Այժմ Անգլիայի հիվանդանոցներում կա կորոնավիրուսով վարակված 8 հազարից մի փոքր ավելի հիվանդ։ Հունվարի վերջին պիկին այս թիվը եղել է ավելի քան 34 հազար։

Տաթև Ֆռանգյան