24.04.2026 | 22:50
Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը. Փելոսի
Թուրքիայի ՊՆ ղեկավարը հայտարարել է, որ «Հայաստանը չպետք է մեկնած խաղաղության ձեռքը դիտի որպես թուլության նշան»
Քաղաքականություն
23.12.2021 | 21:11
Հայաստանը չպետք է իրեն մեկնած խաղաղության ձեռքը դիտարկի որպես թուլության նշան։ Նման հայտարարություն է արել Թուրքիայի պաշտպանության նախարար Հուլուսի Աքարը, գրում են ադրբեջանական լրատվամիջոցները։
Նա հայտարարել է, որ, իբր, Ադրբեջանը Հայաստանին խաղաղության ձեռք է մեկնել։
«Այդ հարցը մեկ անգամ չէ, որ բարձրացրել են նախագահներ Իլհամ Ալիևն ու Ռեջեփ Թայիփ Էրդողանը։ Մենք հուսով ենք, որ Հայաստանը դրանում թուլության նշան չի տեսնի, կանի ճիշտ քայլ ու կընդունի խաղաղության առաջարկը»,- ասել է Աքարը՝ հավելելով․ «Հուսով ենք, որ Հայաստանը կընդունի Ադրբեջանի կողմից առաջարկած խաղաղությունը և շուտով տարածաշրջանում կլինի կայունություն, խաղաղություն և հանգստություն»։
Նա, սակայն, չի նշել, որ թուրքական զինված ուժերի աջակցությամբ Ադրբեջանը պարբերաբար սադրանքներ է իրականացնում հայ-ադրբեջանական սահմանին, ինչպես նաև Արցախում, իսկ Ադրբեջանի ԶՈՒ-ն ներխուժել է ՀՀ սուվերեն տարածք և հրաժարվում է հեռանալ։
Էմմա Չոբանյան
