16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սոճիներ էին ապօրինի հատել. Տաշիրի ոստիկանների բացահայտումը
Հասարակություն
23.12.2021 | 13:33
Դեկտեմբերի 21-ին ոստիկանության Տաշիրի բաժնում տեղեկություններ ստացվեցին, որ Տաշիրի անտառպետության թիվ 1 պահաբաժնում ապօրինի ծառեր են հատում․ տեղեկացնում են ՀՀ ոստիկանությունից։
Պահաբաժին մեկնած ոստիկանները անտառի սկզբնամասում հայտնաբերեցին 12 խմ փայտանյութով բարձված բեռնատար և Տաշիր համայնքում բնակվող երեք տղամարդու, որոնք սոճիներ էին բենզասղոցով ապօրինի հատել ու բարձել բեռնատարը։ Նրանք փայտանյութի օրինականությունը հաստատող համապատասխան փաստաթուղթ չեն ներկայացրել և, մեքենայով հանդերձ, բերման են ենթարկվել ոստիկանության Տաշիրի բաժին:
Հանգամանքները պարզվում են։
Նշանակվել է մասնագիտական ստուգում:
Փաստի առթիվ նախապատրաստվում են նյութեր:
